行完華山，話咁快又食，去到我們都好鐘意食既金峰魯肉飯，這個飯超棒呀。上次台北朋友帶我們來，已經令我們念念不忘，今次無論如何也要抽空來這類走走。
（謎之聲：其實都只不過食完胡同幾個鐘架咋）
地址在相中，羅斯福路一段10
價格係咪超平呢，港紙十多元就有個大飯。
超好味，超級好味，如果唔係之前食左燒肉，應該會食Double份量。
呢度都幾多人黎架，我地係啲下午茶時間黎都要排隊，聽朋友講話如果午晚飯時間的話，人龍仲長。
西門町夜景留念
之後我們去左好多人都讚既師大夜巿，不過我地就覺得麻麻地，又唔覺得有乜好食，結果我地見仲有時間，立即轉場去左寧廈夜巿。
第一間就係『里長伯』，專食臭豆腐同蚵仔麵線
因為友人唔食臭豆腐，結果我一估人食哂，哈，我覺得幾好食，同埋而家我好少係香港食，因為香港得個紙袋仔，我又加好多甜醬，好多事搞到成手都污糟哂，但台灣呢邊用碟裝，好好多呀。
麻麻地既珍珠奶茶
蚵仔煎，都幾好味，個師傅好勁，手起剷落，勁快手。
好喇，話咁快就差不多完喇，明日就要返香港喇！
台北宜蘭之全紀錄
沒有留言:
發佈留言